甄慶悅籲無樓一族理性入市
【本報消息】特首高調預告出招控市,多個樓花盤搶閘散貨。傳新協會副理事長甄慶悅指出,未來五年私樓供應達三萬個,呼籲無樓一族理性入市,亦促政府盡快兌現出招承諾,莫再演《狼來了》。
甄慶悅
莫再演《狼來了》
特首崔世安去年十二月中高調表示短期內出招控市,但至今仍是無影,反而催谷樓花新盤銷售。甄慶悅指出,發展商預料是次出招會較過往辣,在商言商,自然希望盡快散貨,減低投資風險。但小市民必須深思連發展商也不願承擔的風險,自身是否揹得起?他呼籲無樓一族理性入市,“樓市一跌,你隨時變負資產,成世人就畀咗佢”。
現時是否真的“唔買就走寶”?甄慶悅引述工務局網站的建築數據指,去年第三季在建中的私人單位有過萬個,處設計階段的則有兩萬個。公共房屋需求報告亦預計五年內有超過三萬個私人住宅單位落成,年均有六千多個新私樓單位,與以往每年年均兩千的供應量已大不同。
五年三萬單位落成
他相信未來住宅單位供應足夠,現存的問題是人為造市。有發展商稱推細盤助年輕人上樓,惟呎價是否夠“親民”?“博唔博得過真係要睇自己嘅能力,如果人工萬零、兩萬,跌一百萬你已經承受唔起,要儲幾耐錢,先供到蝕咗嘅賬面數?”
至於出招會否影響首置人士?甄慶悅估計,以去年政府推出的收緊按揭成數措施來說,亦是針對非首置,相信今次出招也不向首置一族開刀。另外,有言論指“澳門樓市健康、情況較某些外地佳,不宜出招”,他不予苟同,澳門的樓價肯定屬非健康水平、存在泡沫,是小市民的大負擔,影響經濟、民生、民心發展。若這樣亦屬健康,再不出招,難道要將小市民推至最嚴峻的住屋水平、住劏房、住籠屋?
樓市唔健康有泡沫
他指出,本澳現時的私樓、公屋比例為八比二,要解決住屋問題,當然不能一廂情願單靠公屋,應當兩邊同時着手。應加快A區等大型公屋項目的規劃建設,既然短期內無公屋供應,政府向存泡沫的私樓出招,既具逼切性,也有合理性。
“出口術”影響市場
不過,特首高調預告出招,一個月過去,仍未見影,甄慶悅坦言相當令人失望,政府應當盡快兌現承諾。“提前講當然唔係一件好事,真正想打擊樓市的話,當然係殺佢一個措手不及,快狠準先有效。講到咁言之鑿鑿,又‘狼來了’,政府以後講嘢仲有冇人信?對樓市出口術影響市場,影響好多人一世嘅工作、生活,咁輕率話出又遲遲唔出,真係好差。”
2022-02-15 10:03
2022-02-15 10:03
2022-02-15 09:59
2022-02-15 09:54